کؤنلوم یئنه بولبول کیمی شئیدای وطن دیر 

مجنون ائده ن عاشیقلری لئیلای وطن دیر 

یوزلرله گؤزل عاشیقی اولسام دا من آمما 

قلبیم یئنه ده عاشیق سئودای وطن دیر

دونیایا گؤزللیک وئره ن البتته گونش دیر

اوندان دا گؤزل خلقه تجللای وطن دیر

قویماز بو مقددس یئره بیگانه توخونسون 

هرکس کی صداقتلیدیرابنای وطن دیر

تعریف بئهئشت ائیله مه سین خلقیمه هئچ کس 

جننت ده ، بئهئشت ده ، بیزه صحرای وطن دیر

واحید ائله ظن ائیله کی من یوسف عصرم 

معشوقه منه عشق زولیخای وطن دیر

شعر:علي آقاواحد

نظرات شما عزیزان:

نام :

آدرس ایمیل:

وب سایت/بلاگ :

متن پیام:

نظر خصوصی

 کد را وارد نمایید:

 

 

 

عکس شما

آپلود عکس دلخواه: